【夏天殺到嚟啦！點樣Chill住消暑？】
炎炎夏日，最好就開大個冷氣嘆住雪糕chill住過啦！之不過咁樣落去，收到電費單嗰陣就出事啦！等我積金丸醒你哋幾個慳錢又消暑嘅好辦法啦！
1)食高水分嘅食物
水分含量豐富嘅蔬果，有滋潤喉嚨同利尿作用，可以排出有熱度嘅水分，有助身體降溫。
2) 沖涼後雙腳浸凍水
咁樣做可以暫時增加皮膚表面嘅血液量，幫助排汗，個人感覺更涼爽！
3) 將風扇放喺窗邊
呢個方法可以將窗外較冷嘅空氣吹入室內，同時將房內較熱嘅空氣排走。
4) 將冰水放喺風扇前
喺風扇前面放兜冰，啲水氣就會吸收周圍嘅熱力，所以吹出來嘅風會變得更涼爽，不過就要小心唔好整濕部風扇啊！
慳住電咁消暑先至係精明！
#滾續達人 #電費單得人驚 #唔開冷氣慳錢又環保 #Chill住消暑
Search